dua hi wajh-e-karamat thoDi hoti hai

dua hi wajh-e-karamat thodi hoti hai
ghazab ki dhup mein barsat thodi hoti hai
rah-e-wafa ki riwayat hai sar jhuka rakhna
bisat-e-ishq pe ye mat thodi hoti hai
jo apna nam saf-e-mo'tabar mein likhte hain
khud un se apni mulaqat thodi hoti hai
bahut se raaz dilon ke dilon mein rahte hain
use batane ki har baat thodi hoti hai
dil o nazar mein jo bas jae dil-ruba thahre
ki dilrubai koi zat thodi hoti hai
'hijab' ahl-e-junun mein shumar hone ki
asas izzat-e-sadat thodi hoti hai
This is a great izzat shayari wallpaper. True lovers of bin mausam barsat shayari will love this. Shayari is the most beautiful way to express yourself and this shayari surat is truly a work of art. Please share if you liked this!!!