dushmanon ko mere hamraaz karoge shayad
waqt-e-tanhai mein aawaz karoge shayad
tum bahut tez ho shah-zor ho ustad bhi ho
tum bina par ke bhi parwaz karoge shayad
ye khula jism khule baal ye halke malbus
tum nai subh ka aaghaz karoge shayad
talkh andaz se badloge zamane ka mizaj
apne atraf ko na-saz karoge shayad
tum to khamosh ho lo main hi zara bolta hun
baat se baat ka aaghaz karoge shayad