fikr-e-tajdid-e-riwayat-e-kuhan aaj bhi hai

fikr-e-tajdid-e-riwayat-e-kuhan aaj bhi hai
haq-bayani ka sila dar-o-rasan aaj bhi hai
pasbanan-e-chaman ki rawish-e-korana
wajh-e-ruswai-e-ain-e-chaman aaj bhi hai
mai-e-pindar ke do ghunt ki bardasht kise
tha jo pahle wo bahakne ka chalan aaj bhi hai
rahnuma hain ki sar-e-rah ade baithe hain
karwan hai ki saza-war-e-mehan aaj bhi hai
waqt ke nabz-shanason se kaho tez chalen
khud-farebon ki jabinon pe shikan aaj bhi hai
kar chuka hai jo har ek daur mein tiryaq ka kaam
mere saghar mein wahi zahr-e-sukhan aaj bhi hai
wahi 'mahshar' jo nigahon mein khatakta hi raha
apni bebak-bayani pe magan aaj bhi hai
This is a great bardasht shayari in urdu. True lovers of ghaint shayari in hindi will love this. For some people shayari is the most enjoyable thing in life and they absolutely adore fareb shayari. Please share if you liked this!!!