haar kar hijr-e-na-tamam se hum chupke baithe hue hain sham se hum kaise itra rahe hain apni jagah ho ke mansub un ke nam se hum bas ki diwana hi kahenge log aashna hain mazaq-e-am se hum un ki aankhon ko jam kah to diya ab nigahen ladaen jam se hum rukh pe zulfen bikhere aa jao lau lagae hue hain sham se hum nam kyun len kisi ke kuche ka ek jagah ja rahe hain kaam se hum un ko pana hai kis liye 'mahshar' baz aaen khayal-e-kham se hum