hamare haq mein dua karega
wo ek na ek din wafa karega

bichhad gaya hai magar yaqin hai
kabhi kabhi wo mila karega

tu apne aashiq ko sath rakh le
bichhad gaya to nasha karega

jo apni haalat ka khud sabab ho
wo kya kisi se gila karega

agar ye duniya ujad gai to
kabhi ye socha hai kya karega

main jaanta hun ki ek farishta
jo zindagi se riha karega

abhi tu shair nahin hai 'raw'
khuda wo din bhi ata karega