har dam aate hain bhare dida-e-giryan tujh bin

har dam aate hain bhare dida-e-giryan tujh bin
mujh ko ye dar hai ki laen na ye tufan tujh bin
lala-o-gul ki taraf kis ki bala dekhe hai
ji ko bhati hi nahin sair-e-gulistan tujh bin
aa gaya bas-ki khalal mazhab-o-millat mein meri
na raha gabr mein pyare na musalman tujh bin
dil gaya din gaya sabr gaya tab gai
yun hi apne to hue saikdon nuqsan tujh bin
na khile ghuncha-e-taswir ke manind kabhu
lab-e-khamosh mere ai gul-e-khandan tujh bin
jab se ai gul tu gaya bistar-e-ashiq pe tere
gul-e-baalin na hue sumbul-o-raihan tujh bin
samne se meri aankhon ke na ja man kaha
kis ko dekhunga main phir ai mah-e-taban tujh bin
roz dushman ka bhi is tarah na katiyo ya-rab
main ne jis zulm se kati shab-e-hijran tujh bin
mah-e-nau sham ke hote hi tasawwur mein tere
tha khada sar pe liye khanjar-e-uryan tujh bin
aur jo jati thi kabhi khosha-e-parwin pe nigah
wo bhi lagta tha sanam dasta-e-paikan tujh bin
'mushafi' ja ke gulistan mein kare kya pyare
ki gulistan hai use khana-e-zindan tujh bin
This is a great ashiq rasool shayari. True lovers of parveen shayari urdu will love this. For some people shayari is the most enjoyable thing in life and they absolutely adore fanaa rehan shayari. Please share if you liked this!!!