husn ko be-naqab hone do
ishq ko kaamyab hone do

zist gharq-e-sharab hone do
har haqiqat ko khwab hone do

tur-o-musa se mawara hain hum
raaz ka sadd-e-bab hone do

dekhna hai abhi hayat ko jashn
ek naya inqalab hone do

main bala-nosh-o-baada-khwar sahi
meri hasti kharab hone do

aaj ki shab to un ki mahfil mein
ishq ko baryab hone do

multafit koi ho raha hai 'nazar'
lutf aur be-hisab hone do