jo sun kar lagi zer-e-lab muskurane

jo sun kar lagi zer-e-lab muskurane
ye kya kah diya tha kali se saba ne
mere sher anmol lal-o-gohar hain
lutae tere gham ne kya kya khazane
shafaq khil uthi champai aarizon par
nikhaara tere rang-e-rukh ko haya ne
raha hai wahi dil ka ehsas-e-ulfat
badalte rahe lakh karwat zamane
mohabbat ka un ko yaqin aa chala hai
haqiqat bane ja rahe hain fasane
jhijhak kar kisi ne churain jo nazren
charagh-e-tamanna laga jhilmilane
kabhi ye bhi socha hai ai hansne walo
agar pad gae tum ko aansu bahane
wo tufan baad-e-mukhalif kahan hai
jo uttha tha ai 'naqsh' mujh ko mitane
This is a great anmol shayari photo. True lovers of lal qila shayari will love this. Shayari is the most beautiful way to express yourself and this gadar shayari is truly a work of art. Please share if you liked this!!!