kaise kaise bhed chhupe hain pyar bhare iqrar ke pichhe koi patthar tan raha hai shishe ki diwar ke pichhe dil mein aag laga jata hai ye bin yar bahaar ka mausam ek tapish bhi hoti hai is thandi si phuwar ke pichhe soch abhi se phir kya hoga bit gai jab raat milan ki ek udasi rah jaegi pael ki jhankar ke pichhe kaun lagae khoj kisi ka khud-gharzi ke is jangal mein milta hai insan yahan bhi lekin ek hazar ke pichhe nangi ho kar nach rahi hai bhuki ruhon ki majburi jhank sako to jhank ke dekho jismon ke ambar ke pichhe ye hakim bhi dost hai mera ye naseh bhi mera hamdam kitne hi gham-khwar pade hain ek tere bimar ke pichhe tera to ek dil tuta hai yar 'qatil' udas na ho tu log to jaan bhi de dete hain pyare apne yar ke pichhe