kis ki us tak rasai hoti hai han magar jis ki aai hoti hai yar hum se siyah-bakhton ki zulf tak kab rasai hoti hai khub mil kar gale se ro lena is se dil ki safai hoti hai dubti hai hamari kashti-e-dil aap se aashnai hoti hai shor hai al-firaq ka har dam hum se un se judai hoti hai lashkar-e-gham ki kishwar-e-dil par raat din ab chadhai hoti hai un ki mahfil mein jate darta hun wan lagai-bujhai hoti hai us ke dar par 'haqir' tum bhi chalo wahin mushkil-kushai hoti hai