main gila tum se karun ai yar kis kis baat ka

main gila tum se karun ai yar kis kis baat ka
ye kahani din ki ho jae na qissa raat ka
tark ki mujh se mulaqat aap ne achchha kiya
gham mita har-waqt ka jhagda gaya din-raat ka
be-tamizon se tabiat aashna hoti nahin
chahne wala hun main mahbub-e-khush aur raat ka
main to kuchh kahta hun tum se tum samajhte ho kuchh aur
jabki baaton mein kalam aaya maza kya baat ka
tere aane ki dua manga kabhi jaga kiye
raat-bhar aalam raha ai but khudai raat ka
wah kya nam-e-khuda saj-dhaj hai kya andaz hai
aadmi dekha nahin is qad ka aur is kat ka
samne yun aae botal jaise aati hai ghata
jam yun jhalke ki main dekhun saman barsat ka
ishq wo ghaarat-gar-e-iman hai ye chahe agar
waizon ko kalma padhwae manat-o-lat ka
aise jhute ho agar sach bhi kabhi ho bolte
eatibar aata nahin sahab tumhaari baat ka
yar tum ko dil nahin dene ka be-bosa liye
tum jo apni gunge ho main bhi hun apni ghat ka
ahl-e-duniya khush hon ya na-khush hon kuchh parwa nahin
aasra rakhta hai ye banda khuda ki zat ka
jab tumhaari kan ki bijli chamak kar rah gai
meri aankhon ne saman dikhla diya barsat ka
qamat-e-jaanan hai mil-e-manzil-e-awwal mujhe
kakul-e-shab-gun hai jada wadi-e-afat ka
tash ka mubaf choti mein muqarrar chahiye
chandni se aur hi hota hai joban raat ka
'bahr' apni apni qismat hai ba-shakl-e-mehr-o-mah
zar use bakhsha use kasa diya khairaat ka