main kab rahin-e-reg-e-bayaban-e-yas tha sad-khema-e-bahaar mere aas pas tha toda hai bar-ha mujhe dil ki shikast ne chehra magar zara bhi na mera udas tha sahra-e-jaan ki dhup mein thin wahshaten bahut lekin na mera azm kahin bad-hawas tha ye aur baat hai ki barhana thi zindagi maujud phir bhi mere badan par libas tha main ne har ek lamhe ko chaha hai tut kar tha zindagi-parast mohabbat-shanas tha mausam kuchh aae aise bhi shahr-e-khayal mein mujh ko na jin ka ilm na koi qayas tha fikr-e-sukhan hi 'ashk' hai zauq-e-amal mera is ke siwa na kar-e-jahan koi ras tha