masih-e-waqt bhi dekhe hai dida-e-nam se ye kaisa zakhm hai yaro khafa hai marham se koi khayal koi yaad koi to ehsas mila de aaj zara aa ke hum ko khud hum se hamara jam-e-sifalin hi phir ghanimat tha mili sharab bhala kis ko saghar-e-jam se hawa bhi tez hai yurish bhi hai andheron ki jalae mishalen baithe hain log barham se ghamon ki aanch mein tap kar hi fan nikharta hai ye shama jalti hai 'jawed' chashm-e-pur-nam se