mera aaina meri shakl dikhata hai mujhe ye wo apna hai jo begana batata hai mujhe mere ehsas-e-dui ko ye hawa deta hai meri hasti ka ye ehsas karaata hai mujhe karb ehsas karaata hai khudi ke darshan zoam-e-hasti ke jharoke mein sajata hai mujhe qadr-o-qimat ko badhane ka badhawa de kar bahr-e-nilam kahan dil liye jata hai mujhe sadgi meri use deti hai izn-e-guftar mujh ko aati hai hansi jab wo banata hai mujhe bhul jata hun sabhi jaur-o-jafa ke qisse jab koi git mohabbat ke sunata hai mujhe kaun sunta hai mere dukh ki kahani 'talib' jis se kahta hun wo apni hi sunata hai mujhe