mere dil mein khushbu basi thi jo wo makan apna badal gai kisi aur abr ki chhanw mein badi dur mujh se nikal gai wo jo barf abhi thi jami hui kisi maslahat ke hisar mein zara waqt ki jo hawa lagi to wo ek pal mein pighal gai mere ghar ki unchi munder pe wo jo kali billi thi ghumti wahi aa ke chupke se raat mein meri fakhta ko nigal gai badi tangiyon mein pali hui wo ghazal dukhon mein badi hui tujhe lutf-e-aish na de saki to wo teri rah mein jal gai use dekhne ki thi aarzu mujhe us ki thi badi justuju magar us ke aariz-e-naz pe meri har nigah phisal gai