meri har baat pe be-baat khafa hote ho
jaane kya baat hai din-raat khafa hote ho

chup rahen waqt-e-mulaqat khafa hote ho
puchh len bhul se haalat khafa hote ho

baat ghairon se to hans hans ke kiya karte ho
hum se hote hi mulaqat khafa hote ho

dur hote ho to naraaz raha karte ho
pas rahte ho to din raat khafa hote ho

jaanta hun ki tumhein pyar nahin hai mujh se
kya ba-majburi-e-haalat khafa hote ho