nazar bahaar na dekhe to be-qarar na ho
khizan sukun se guzre agar bahaar na ho

nigah-e-dil mein jo rangini-e-bahaar na ho
gunahgar-e-tamasha gunahgar na ho

fareb-e-nikhat-o-rang aagahi shikar na ho
karishma-kar-e-chaman mein agar bahaar na ho

khizan ke jaur-e-musalsal pe be-qarar na ho
bahaar dekh magar khugar-e-bahaar na ho

baja hai ghunche ka josh-e-numu se khil uthna
jo gul pe aai wo guzri hui bahaar na ho

mera shuur-e-bahaaran khizan pe ghash ho 'sahab'
agar wo naqs-e-bahaaran ki yaadgar na ho