nigah-e-bad-guman hai aur main hun fareb-e-ashiyan hai aur main hun sharik-e-be-kasi aae kahan se zamin par aasman hai aur main hun udhar kya ghurti hai kasmapursi mera azm-e-jawan hai aur main hun sarapa-gosh hai subh-e-shab-e-tar kisi ki dastan hai aur main hun ghuta jata hai dam ai soz-e-ehsas tah-e-daman dhuan hai aur main hun hawadis ab jise chahen sarahen nasib-e-dushmanan hai aur main hun qafas naghmon se gunj uthta hai 'yaqub' umid-e-khush-bayan hai aur main hun