so hashr mein liye dil-e-hasrat maab mein
aabaad ho raha hun jahan-e-kharab mein

hum apni be-qarari-e-dil se hain be-qarar
aamezish-e-sukun hai is iztirab mein

ab sair-e-gul kahan dil-e-rangin nazar kahan
ek khwab tha jo dekh liya tha shabab mein

badh badh ke chhup rahe hain pas parda bar bar
kya kya takallufat hain tark-e-hijab mein

'ahsan' dil un ko do magar itna to puchh lo
lete ho tum ye naqd raqam kis hisab mein