supurdagi ka walwala jamal mein nahin mila mujhe fusun-e-be-khudi visal mein nahin mila jo aaine se kirchiyon ke darmiyan ka tha safar shikast-e-zat ki kisi misal mein nahin mila alam-nasib sham mein hai mehr-e-jaan bujha bujha nashat-e-ranj bhi mujhe maal mein nahin mila hazar yasmin mushk-bu hun tere qurb mein chaman ka aks tere khadd-o-khal mein nahin mila wo sar-burida chand bhi ghurub ho gaya magar sitara-e-sahar shab-e-zawal mein nahin mila 'nadim' har qadam pe dard-e-be-aman ka dar khula sukun is jahan-e-be-misal mein nahin mila