tu ai asir-e-makan la-makan se dur nahin
wo jalwa-gah tere khak-dan se dur nahin

wo margh-zar ki bim-e-khizan nahin jis mein
ghamin na ho ki tere aashiyan se dur nahin

ye hai khulasa-e-ilm-e-qalandari ki hayat
khadang-e-jasta hai lekin kaman se dur nahin

faza teri mah o parwin se hai zara aage
qadam utha ye maqam aasman se dur nahin

kahe na rah-numa se ki chhod de mujh ko
ye baat rah-raw-e-nukta-dan se dur nahin