tujh badan par jo lal sari hai
aql us ne meri bisari hai
baal dekhe hain jab sun main tere
zulf si dil kun be-qarari hai
qad alif sa hua mera jiyun dal
ishq ka bojh sakht bhaari hai
sab ke sine ko chhed dala hai
palk teri magar katari hai
odhni udi par kanari zard
gird shab ke suraj ki dhaari hai
qahr o lutf o tabassum-o-khanda
teri har ek ada piyari hai
tirchhi nazran sun dekhna hans hans
mor se chaal tujh niyari hai
zinda 'faez' ka dil hua tujh sun
husn tera bi faiz-e-bai hai