tum nahin pas koi pas nahin
ab mujhe zindagi ki aas nahin

kashmakash mein na ruh pad jae
yun to marne ka kuchh hiras nahin

lala-o-gul bujha saken jis ko
ishq ki pyas aisi pyas nahin

umr si umr ho gai barbaad
dil-e-nadan abas udas nahin

sans lene mein dard hota hai
ab hawa zindagi ki ras nahin

rah mein apni khak hone de
aur kuchh meri iltimas nahin

kya bataun maal-e-shauq 'jigar'
aah qaem mere hawas nahin