wo jo diwar-e-ashnai thi apni hi zat ki ikai thi main sar-e-dasht-e-jaan tha aawara aur ghar mein bahaar aai thi maile kapdon ka apna rang bhi tha phir bhi qismat mein jag-hansai thi ab to aankhon mein apna chehra hai kabhi shishe se aashnai thi apni hi zat mein tha main mahfuz aur phir khud hi se ladai thi apni aawaz se bhi darta tha hae kya chiz aashnai thi zindagi gard gard thi 'akhtar' jaane lut kar kahan se aai thi