wo nazar hai suragh mein dil ke

wo nazar hai suragh mein dil ke
phul mahke hain dagh mein dil ke
hasraton ki na puchh kaifiyyat
khun-e-dil hai ayagh mein dil ke
jal bujhi ek ek aas magar
gul hai raushan-charagh mein dil ke
wo jo aae to aae subh-e-bahaar
ghup andhera hai bagh mein dil ke
phir usi gul-badan ki yaad aai
phir mahak si hai dagh mein dil ke
yun jhalakta hai pyar un aankhon mein
chand jaise ayagh mein dil ke