ye kis ne shakh-e-gul la kar qarib-e-ashiyan rakh di
ki main ne shauq-e-gul-bosi mein kanton par zaban rakh di

suna tha qissa-khwan koi naya qissa sunaega
hamare munh pe zalim ne hamari dastan rakh di

khulus-e-dil se sajda ho to us sajde ka kya kahna
wahin kaba sarak aaya jabin hum ne jahan rakh di

uthaya main ne sham-e-hijr lutf-e-guftugu kya kya
tasawwur ne teri taswir ke munh mein zaban rakh di