zulf-e-shab-rang jo banai hai

zulf-e-shab-rang jo banai hai
un dinon shane ki ban aai hai
haif sabit hai jeb ne daman
aur junun mein bahaar aai hai
kahe parwana shama-ru tujh ko
us ki aankhon mein charbi chhai hai
meri un ki bigad hone se
khub aghyar ki ban aai hai
pani mangega kya dahan-e-zakhm
tegh ek aab-dar kahani hai
kalima un buton ne padhwaya
khub-rui hai ya khudai hai
hama-tan ho gae hain aaina
khud-numai si khud-numai hai
yar se ho bhala raqibon ka
ai 'sakhi' bas yahi burai hai
This is a great shane hussain shayari. Please share if you liked this!!!