mera ghar ajnabi lagta hai kyun aakhir
wo rahen bhi

jo ghar tak le ke jati hain
kabhi thin aashna mujh se

magar na-ashna ab hain
bahut mayus hun sab se

mujhe pahchanne wala
nahin koi

koi rishta bhi ab apna nahin lagta
yahan ki reshmi subhen

ujale apne aangan ke
udasi se bhari shamen

chamakte raat ke tare
sabhi ye mujh se kahte hain

ki ab ke jab safar karna
jahan jaana

wahin rahna
abas hai us jagah aana

abas hai laut kar aana