main saz DhunDti rahi

ehsas-e-awwalin
ek mauhum iztirab sa hai
ek talatum sa pech-o-tab sa hai
umde aate hain khud-ba-khud aansu
dil pe qabu na aankh par qabu
dil mein ek dard mitha mitha sa
rang chehre ka phika phika sa
zulf bikhri hui pareshan-haal
aap hi aap ji hua hai nidhaal
sine mein ek chubhan si hoti hai
aankhon mein kyun jalan si hoti hai
sar mein pinhan tasawwur-e-mauhum
hae ye aarzu-e-na-malum
ek nala sa hai baghair aawaz
ek halchal si hai na soz na saz
kyun ye haalat hai be-qarari ki
sans bhi khul ke aa nahin sakti
ruh mein intishaar sa kya hai
dil ko ye intizar sa kya hai
This is a great dosti jalan shayari. True lovers of suhana mausam shayari will love this. For some people shayari is the most enjoyable thing in life and they absolutely adore umda shayari. Please share if you liked this!!!