Shaam Dhal Gayi Hai Chirago Ko Roshan Kar De Meri Bujhi Si Is Jindgi Mein Ab

Shaam dhal gayi hai chirago ko roshan kar de
meri bujhi si is jindgi mein ab tu rang bhar de
chale jayenge hum aise ki jaise peer ka saaya
bas apni muskurahat se meri jholi ko tu bhar de
bulaya ho khuda ne bhi to fir hum na jayenge
pukara hai mujhe tune, itni ittila kar de
kafan bhi odh lenge hum chale jayenge dunia se
bas apni aankho ke khanjar se mujhko tu katl kar de…

Tere Saath Hone Ka Ehsas Kuch Alag Hi Hota Hai Pyar Se Mujhse Ladne Ka Andaz

Tere saath hone ka ehsas kuch alag hi hota hai
pyar se mujhse ladne ka andaz kuch alag hi hota hai
kuch pal khafa rehna phir maan jaana bada acha lagta hai
tumhara saath aur hathon me haath bada acha lagta hai
jab chale jaate ho door toh sab adhoora lagta hai
indra dhanus ke rang bhi phike lagte hain
shayad meri duniya ke sab rang aap se hain
aap se duniya ka mela aur aap hi se bagh mehak te hain
aap jo nahi toh veerane dehak te hain
shamshan se zindagi aur mout ka saaya dikhte hain
aap ki ek jhalak zindagi hone ka ehsaas hai
doobte suraj ki jaise miti pyaas hai…