Toote Teri Nigah Se Toote Teri Nigah Se Agar Dil Habaab Ka

Toote teri nigah se

toote teri nigah se agar dil habaab ka
paani bhi phir piein to maza hai sharaab ka

dozakh mujhe qabool, ai, munkir-o-nakeer
lekin nahin dimagh sawaal-o-jawab ka

tha kis ke dil ko kashmkash-e-ishq ka dimagh
yaarab bura ho deeda-e-khana-kharaab ka

zahid sabhi hai neimat-e-haq jo hai aql-o-sharb
lekin ajab maza hai sharaab-o-kabaab ka

ghaafil ghazab se ho ke karam par na rakh nazar
pur hai sharar-e-baraq se daaman sahaab ka

qatra gira tha choo ke mere ashk-e-garam se
darya mein hai hanzooz phaphola habaab ka

sauda, nigah-e-deeda-e-tahqiq ke hazur
jalwa har ek zarre mein hai aaftaab ka!

Badla Tere Sitam Ka Badla Tere Sitam Ka Koi Tujh Se Kya Kare

Badla tere sitam ka

badla tere sitam ka koi tujh se kya kare
apna hi tu farefta hove, khuda kare
qaatil hamari naash ko tash-hir hai zarur
aainda ta koi na kisi se wafa kare
fikr-e-maash, ishq-e-butaan, yaad-e-raftgaan
do din ki zindagi mein ab koi kya kya kiya kare
aalam ke beech phir na rahe rasm-e-aashqi
gar neem lab koi tere shikwe se waa kare
gar ho sharaab-o-khilwat-o-mahboob-e-khub roo
zaahid qasam hai tujh ko jo tu ho tau kya kare
khaakastr-o-patang-o-mashahd meri ki khaak
sham-o-shafaq ajab ho jo mil kar ura kare
ai waae bar aseer, ke par tor kar jise
sayyaad fasl-e-gul mein chaman se riha kare!