rishton ko jab dhup dikhai jati hai

By

rishton ko jab dhup dikhai jati hai
cigarette se cigarette sulgai jati hai
jism hamara ek aisi mil hai jis mein
andhiyaron se dhup banai jati hai
na se us ki shakl milane lagta hun
jab us ki aawaz sunai jati hai
kya wo panne sach-much kore hote hain
jin par koi zarb lagai jati hai
bulle-baba diwano ko samjhao
apni hasti kaam mein lai jati hai
apni mitti apna pani wapas le
sunte hain ye shai lautai jati hai
patthar le kar aate hain sab sine mein
bhag jage to thokar khai jati hai
khamoshi se yakja karte hain khud ko
shor macha kar aag bujhai jati hai
hote hote raushan hota hai chehra
jate jate dil se koi jati hai
donon bhawon ki shiknen hath batati hain
apni tezi aankh banai jati hai

rafta rafta aasman utra zamin ke us taraf

By

rafta rafta aasman utra zamin ke us taraf
main ne boya tha kabhi sabza zamin ke us taraf
is zamin par pyas ki shiddat hui thi kab ayan
kis ne socha tha nihan dariya zamin ke us taraf
aasman ke rang sare hairaton ke aks hain
wo hai ek chehra pas-e-parda zamin ke us taraf
mere hone ka guman is bhid mein hai mubtala
aur main tanha bahut tanha zamin ke us taraf
ek tara tutne ki chah mein bechain hai
muntazir hoga koi bachcha zamin ke us taraf

sham ka manzar uljha rasta ek kahani tu aur main

By

sham ka manzar uljha rasta ek kahani tu aur main
dhalta suraj badhta saya kashti-rani tu aur main
band ek kamra chup ka manzar bhuli-bisri dipak yaad
tanhai dukh khauf ki lazzat dilbar-e-jaani tu aur main
titli khushbu rang ki baaten shabnam se sharmile khwab
aas ka panchhi gum-sum khwahish raat-ki-rani tu aur main
palken chilman sharma-sharmi kam kam goya nazren qurb
raaton jaisi sidhi-sadi ek nadani tu aur main
raat ghaneri ghor ghataen sawan si barsat 'ali'
yaad ka panchhi waqt-e-akhir aankh mein pani tu aur main

meri hasti-e-haal hanste hain

By

meri hasti-e-haal hanste hain
mere din mah-o-sal hanste hain
pahle har-pal jo log hanste the
wo bhi ab khal-khal hanste hain
us ki hazir-jawab baaton se
mujh pe mere sawal hanste hain
dil bhi us pal bahak sa jata hai
jab sitamgar ke gal hanste hain
mere chhup-chhup ke dekhne pe wo
apne gesu sambhaal hanste hain
un ka rona bhi khub rona hai
aur hansna kamal hanste hain
wo mere samne nahin hanste
waise sahab jamal hanste hain
main to hargiz kabhi nahin hansta
han mere khadd-o-khal hanste hain
mera dil jab bhi sher bunta hai
us pe mere khayal hanste hain
han main pagal hun han main diwana
aao dalen dhamal hanste hain
mangne ke liye hain phaile hue
mere hathon pe thaal hanste hain
yar aghyar sab barabar hain
sab hi de kar malal hanste hain
tu 'ali' kyun udas baitha hai
gham ko dil se nikal hanste hain

jo nafraton ka jamal Thahra

By

jo nafraton ka jamal thahra
mohabbaton ka zawal thahra
na aankh roi na dil pasija
tumhaara jaana kamal thahra
tumhaari yaaden jahan bhi thahrin
wahin pe dil mein malal thahra
jawab kyunkar dalil kis ko
hamare lab pe sawal thahra
jo hum ne socha tha ishq hoga
faqat hamara khayal thahra
wo sun ke chup hain kahani apni
ye hamra jah-o-jalal thahra
wo hum se mil kar bhi mil na pae
ajab hamara visal thahra
wo khud ke jaisa hi dusra hai
wo aap apni misal thahra
na nind aawe na chain pawen
adhura sapna wabaal thahra
'ali' ko yarab bulao wapas
ki is ka jina muhaal thahra

usne yun rasta diya mujhko

By

us ne yun rasta diya mujh ko
raste se hata diya mujh ko
dur karne ke waste khud se
khud ka hi wasta diya mujh ko
maut hi kuchh sukun de shayad
zindagi ne thaka diya mujh ko
jab mere baal-o-par shikasta hue
tab qafas se uda diya mujh ko
jis hawa ne mujhe jalae rakha
phir usi ne bujha diya mujh ko