zindagi kya hai tamannaon ka khaara pani

By

zindagi kya hai tamannaon ka khaara pani
har koi pi ke yahan mange dobara pani
hum hain wo jin ki nigahon ne kuchal dala furaat
kaun hain jin ke labon par hai ye nara pani
kai dariya meri aankhon se rawan hone lage
us ne jab khwab mein ek bar pukara pani
koi sailab umadta tha ghadi se har din
waqt ki shakl mein hum ne to guzara pani
faisla us ne judai ka sunaya to laga
jaise sahra mein koi pyas mein haara pani
is liye log sulagte hi yahan karbal mein
jise milta hai wo pi leta hai sara pani
tishnagi bant ke har qaum ka rahbar ye kahe
sari duniya mein to bahta hai hamara pani
aaj jazbaat hain pyase sar-e-qirtas 'nawed'
kar raha hai mujhe har lafz ishaara pani

qadmon mein jab se mere hain tare dhare hue

By

qadmon mein jab se mere hain tare dhare hue
sare adu hain ghar mein bichaare dhare hue
achchha to thik hai mujhe chalna usi pe hai
rasta ki jis pe honge khasare dhare hue
tari hai mauj mauj pe kuchh is liye bhi khauf
aaya hun raund kar main kinare dhare hue
ek jang thi hamari jise jitne ke baad
palkon pe kyun the us ke ishaare dhare hue
un se hawa pe naqsh hui naghmagi 'nawed'
jitne bhi the charagh hamare dhare hue

makan becha nahin maine guzara chal raha hai

By

makan becha nahin main ne guzara chal raha hai
nadi apni jagah par hai kinara chal raha hai
ibaadat mein abhi mashghul hain in ko na chhedo
wafa kis se karenge istikhara chal raha hai
main khud parwaz se apni pareshan aaj-kal hun
zamana hai zamin par aur bichaara chal raha hai
na samjhao mujhe yun hir aur ranjhe ka chakkar
wahi hai nan jo barson se hamara chal raha hai
abhi kuchh der pahle jis ko raazi kar liya tha
'nawed' us se mera jhagda dobara chal raha hai

junhi nigah mein tera chehra utar gaya

By

junhi nigah mein tera chehra utar gaya
daman udas raat ka taron se bhar gaya
us bhid mein sawal meri zindagi ka tha
dastar thame hath mein tu bhi guzar gaya
kab khwab-kar-e-ishq mein tai kar saka koi
jitni meri bisat thi utna main kar gaya
us ne jala-bujha ke sataya hazar bar
jab bhi charagh use meri dene khabar gaya
tark-e-talluqat ki babat 'nawed' aaj
puchha jab aaine se to wo bhi mukar gaya

jit aur haar mein paDe hue hain

By

jit aur haar mein pade hue hain
log mear mein pade hue hain
ab guzarta hai waqt tezi se
hum bhi raftar mein pade hue hain
hum muqayyad hain tere honton mein
aur inkar mein pade hue hain
un charaghon ko kaam mein lao
jo bhi be-kar mein pade hue hain
jhad aaya hun apne daman ko
dagh bazar mein pade hue hain

jaise mehman koi aae kisi mehman ke baad

By

jaise mehman koi aae kisi mehman ke baad
sher main ne bhi kahe hain nae rujhan ke baad
faisla soch ke karna kahin rona na pade
rakh ke aaya hun main aankhen tere iman ke baad
is inayat pe main izhaar kaun sa rang
kashtiyan le ke chale aae ho tufan ke baad
meri aankhon ke madine mein wahi hai ab tak
tha jo quran se pahle hai jo quran ke baad
raushni banti yahan main ne charaghon ke baghair
zindagi tu ne bhi dekha mujhe tawan ke baad