phaile hue hain shahr mein sae niDhaal se

By

phaile hue hain shahr mein sae nidhaal se
jaen kahan nikal ke khayalon ke jal se
mashriq se mera rasta maghrib ki samt tha
us ka safar junub ki jaanib shumal se
kaisa bhi talkh zikr ho kaisi bhi tursh baat
un ki samajh mein aaegi gul ki misal se
chup-chap baithe rahte hain kuchh bolte nahin
bachche bigad gae hain bahut dekh-bhaal se
rangon ko bahte dekhiye kamre ke farsh par
kirnon ke war rokiye shishe ki dhaal se
aankhon mein aansuon ka kahin nam tak nahin
ab jute saf kijiye un ke rumal se
chehra bujha bujha sa pareshan zulf zulf
allah dushmanon ko bachae wabaal se
phir paniyon mein nuqrai sae utar gae
phir raat jagmaga uthi chandi ke thaal se

mujhe pasand nahin aise karobar mein hun

By

mujhe pasand nahin aise karobar mein hun
ye jabr hai ki main khud apne ikhtiyar mein hun
hudud-e-waqt se bahar ajab hisar mein hun
main ek lamha hun sadiyon ke intizar mein hun
abhi na kar meri tashkil mujh ko nam na de
tere wajud se bahar mein kis shumar mein hun
main ek zarra meri haisiyat hi kya hai magar
hawa ke sath hun udte hue ghubar mein hun
bas aas-pas ye suraj hai aur kuchh bhi nahin
mahak raha to hun lekin main regzar mein hun

jo chiz thi kamre mein wo be-rabt paDi thi

By

jo chiz thi kamre mein wo be-rabt padi thi
tanhai-e-shab band-e-qaba khol rahi thi
aawaz ki diwar bhi chup-chap khadi thi
khidki se jo dekha to gali ungh rahi thi
baalon ne tera lams to mahsus kiya tha
lekin ye khabar dil ne badi der se di thi
hathon mein naya chand pada hanp raha tha
ranon pe barahna si nami reng rahi thi
yaadon ne use tod diya mar ke patthar
aaine ki khandaq mein jo parchhain padi thi
duniya ki guzarte hue padti thin nigahen
shishe ki jagah khidki mein ruswai jadi thi
tuti hui mehrab se gumbad ke khandar tak
ek budhe moazzin ki sada gunj rahi thi

jita hai sirf tere liye kaun mar ke dekh

By

jita hai sirf tere liye kaun mar ke dekh
ek roz meri jaan ye harkat bhi kar ke dekh
manzil yahin hai aam ke pedon ki chhanw mein
ai shahsawar ghode se niche utar ke dekh
tute pade hain kitne ujalon ke ustukhwan
saya-numa andhere ke andar utar ke dekh
phulon ki tang-damani ka tazkira na kar
khushbu ki tarah mauj-e-saba mein bikhar ke dekh
tujh par khulenge maut ki sarhad ke raste
himmat agar hai us ki gali se guzar ke dekh
dariya ki wusaton se use napte nahin
tanhai kitni gahri hai ek jam bhar ke dekh

har KHwab kali raat ke sanche mein Dhaal kar

By

har khwab kali raat ke sanche mein dhaal kar
ye kaun chhup gaya hai sitare uchhaal kar
aaise dare hue hain zamane ki chaal se
ghar mein bhi panw rakhte hain hum to sambhaal kar
khana-kharabiyon mein tera bhi pata nahin
tujh ko bhi kya mila hamein ghar se nikal kar
jhulsa gaya hai kaghzi chehron ki dastan
jalti hui khamoshiyan lafzon mein dhaal kar
ye phul khud hi sukh kar aaenge khak par
tu apne hath se na inhen paemal kar

haj ka safar hai isMein koi sath bhi to ho

By

haj ka safar hai is mein koi sath bhi to ho
parda-nashin se apni mulaqat bhi to ho
kab se tahal rahe hain gareban khol kar
khali ghata ko kya karen barsat bhi to ho
din hai ki dhal nahin raha is reg-zar mein
manzil bhale na aae kahin raat bhi to ho
majmua chhapne to chale ho miyan magar
ashaar mein tumhaare koi baat bhi to ho