ghaTti baDhti raushniyon ne mujhe samjha nahin

By

ghatti badhti raushniyon ne mujhe samjha nahin
main kisi patthar kisi diwar ka saya nahin
jaane kin rishton ne mujh ko bandh rakkha hai ki main
muddaton se aandhiyon ki zad mein hun bikhra nahin
zindagi biphre hue dariya ki koi mauj hai
ek dafa dekha jo manzar phir kabhi dekha nahin
har taraf bikhri hui hain aaine ki kirchiyan
reza reza aks hain salim koi chehra nahin
kahte kahte kuchh badal deta hai kyun baaton ka rukh
kyun khud apne-ap ke bhi sath wo sachcha nahin

dil ke har dard ne ashaar mein Dhalna chaha

By

dil ke har dard ne ashaar mein dhalna chaha
apna pairahan-e-be-rang badalna chaha
koi an-jaani si taqat thi jo aade aai
warna hum ne to bahar-gam sambhalna chaha
chahte to kisi patthar ki tarah ji lete
hum ne khud mom ki manind pighalna chaha
aankhen jalne lagin tapte hue bazaron mein
dil ne jab bhi kisi manzar pe machalna chaha
sirf hum hi nahin har ek ne jine ke liye
ek na ek jhute sahaare se bahalna chaha
kaun hai ye jo sisakta hai mere sine mein
kaun hai jis ne mere khun pe palna chaha

chup-chap sulagta hai diya tum bhi to dekho

By

chup-chap sulagta hai diya tum bhi to dekho
kis dard ko kahte hain wafa tum bhi to dekho
mahtab-ba-kaf raat kase dhund rahi hai
kuchh dur chalo aao zara tum bhi to dekho
kis tarah kinaron ko hai sine se lagae
thahre hue pani ki ada tum bhi to dekho
yaadon ke saman-zar se aai hui khushbu
daman mein chhupa lai hai kya tum bhi to dekho
kuchh raat gae roz jo aati hai faza se
har dil mein hai ek zakhm chhupa tum bhi to dekho
har hanste hue phul se rishta hai khizan ka
har dil mein hai ek zakhm chhupa tum bhi to dekho
kyun aane lagin sans mein gahraiyan socho
kyun tut chale band-e-qaba tum bhi to dekho

chheDa zara saba ne to gulnar ho gae

By

chheda zara saba ne to gulnar ho gae
ghunche bhi mah-jamalon ke rukhsar ho gae
wo log jin ki dasht-nawardi ki dhum thi
muddat hui ki sang-e-dar-e-yar ho gae
sadiyon ka gham simat ke dilon mein utar gaya
hum log zindagi ke gunahgar ho gae
zulfon ki tarah pahle bhi baadal hasin the
doli pawan to aur trahdar ho gae

bahut tha KHauf jis ka phir wahi qissa nikal aaya

By

bahut tha khauf jis ka phir wahi qissa nikal aaya
mere dukh se kisi aawaz ka rishta nikal aaya
wo sar se panw tak jaise sulagti sham ka manzar
ye kis jadu ki basti mein dil-e-tanha nikal aaya
jin aankhon ki udasi mein bayaban sans lete hain
unhin ki yaad mein naghmon ka ye dariya nikal aaya
sulagte dil ke aangan mein hui khwabon ki phir barish
kahin konpal mahak utthi kahin patta nikal aaya
pighal uthta hai ek ek lafz jin honton ki hiddat se
main un ki aanch pi kar aur bhi sachcha nikal aaya
guman tha zindagi be-samt o be-manzil bayaban hai
magar ek nam par phulon-bhara rasta nikal aaya

bazar-e-zindagi mein jame kaise apna rang

By

bazar-e-zindagi mein jame kaise apna rang
hain mushtari ke taur na byopariyon ke dhang
muddat se phir raha hun khud apni talash mein
har lamha lad raha hun khud apne khilaf jang
ek nam lauh-e-zehn se mitta nahin hai kyun
kyun aakhir is pe waqt chadhata nahin hai rang
us se alag bhi umr to kat hi gai magar
ek ek pal ke bojh se dukhta hai ang ang
shakh-e-nihaal-e-zehn pe khwabon ke phul the
hota na apna dast-e-junun kash zer-e-sang
aawaz ke hisar mein dil ab bhi qaid hai
mange hai ab bhi pairahan-e-lafz har umang
kuchh tajraba bhi ab to zamane ka ho gaya
kuchh dal ke bachpane se bhi hum aa gae hain tang
kucha-ba-kucha phirte hain ab is tarah 'bashar'
bhatke hai jaise hath se tuti hui patang