diwana hun par kaam mein hoshiyar hun apne
yusuf ka khayal aaya jo zindan nazar aaya

deta nahin hai sath bure waqt mein koi
taqat bhi ho gai hai tan-e-zar se alag

dar-ba-dar mara-phira main justuju-e-yar mein
zahid-e-kaba hua rahban-e-but-khana hua

apna baatin khub hai zahir se bhi ai jaan-e-jaan
aankh ke ladne se pahle ji lada baithe hain hum

gareban hath mein hai panw mein sahra ka daman hai
bas ab panw hain apne aur sar-e-khar-e-mughilan hai
hawa-e-dasht-e-wahshat hum ko le udti hai basti se
hamara unsur-e-khaki magar reg-e-bayaban hai
sabaq ko dekhta hun raat bhar aur phir ulajhta hun
mutawwal mukhtasar wo sharh-e-sher-e-zulf-e-pechan hai
jalata hai ye parwanon ko wasf-e-shoala-ruyan se
zaban-e-khama bhi ab to zaban-e-sham-e-sozan hai

zaiqa maut ka bas yaad dila deta hai
kya qayamat hai ye kahna tera hum bhul gae
kaba-e-dil mein bas ab rahti hai allah ki yaad
rasta dair ka hum shakal-sanam bhul gae
yaad rakhne ki ye baaten hain baja hai sach hai
aap bhule na hamein aap ko hum bhul gae
dil se dil ko hai agar rah to hai yaad se yaad
tum hamein bhul gae tum ko bhi hum bhul gae
sher-e-hindi jo sune 'mehar' jigar tafta ke
apna andaz fasihan-e-ajam bhul gae