hum par jafa se tark-e-wafa ka guman nahin

By

hum par jafa se tark-e-wafa ka guman nahin
ek chhed hai wagarna murad imtihan nahin
---
---
kis munh se shukr kijiye is lutf-e-khas ka
pursish hai aur pa-e-sukhan darmiyan nahin
---
---
hum ko sitam aziz sitamgar ko hum aziz
na-mehrban nahin hai agar mehrban nahin
the tyrant holds me dear and i too relish tyranny
thus she is not unkind even if, she's not kind to me
bosa nahin na dijiye dushnam hi sahi
aakhir zaban to rakhte ho tum gar dahan nahin
if you won't kiss me its all right, you can at least abuse
if you don't possess a mouth, your tongue should surely use
har-chand jaan-gudazi-e-qahr-o-itab hai
har-chand pusht-e-garmi-e-tab-o-tawan nahin
e'en though her anger,wrath dissolve my life so totally
and even though support of strength and courage there not be
jaan mutrib-e-tarana-e-hal-mim-mazid hai
lab parda-sanj-e-zamzama-e-al-aman nahin
life is a minstrel with a song seeking severity
lips don't intone a plaintive chant beseeching sanctuary
khanjar se chir sina agar dil na ho do-nim
dil mein chhuri chubho mizha gar khun-chakan nahin
should cleave your breast with dagger if your heart is not in two
should plunge a knife into your heart , if, lashes, blood not spew
hai nang-e-sina dil agar aatish-kada na ho
hai aar-e-dil nafas agar aazar-fishan nahin
the heart's a blot upon one's breast, if flames do not imbue
and breath is shameful for the heart, if fire does not strew
nuqsan nahin junun mein bala se ho ghar kharab
sau gaz zamin ke badle bayaban giran nahin
no loss would be if in frenzy, home turns to ruined heap
as in exchange for hundred yards, the wilderness comes cheap
kahte ho kya likha hai teri sarnawisht mein
goya jabin pe sajda-e-but ka nishan nahin
you ask me "what is this inscribed in lines of your forehead"
as though my brow does not bear signs of rubbing 'gainst your stead
pata hun us se dad kuchh apne kalam ki
ruhul-qudus agarche mera ham-zaban nahin
praise i receive from gabriel for this my style of verse
despite that in a common tongue we two do not converse
jaan hai baha-e-bosa wale kyun kahe abhi
'ghaalib' ko jaanta hai ki wo nim-jaan nahin
a kiss is worth a life complete, why for will she now say
because she knows that gaalib is not half dead yet today
jis ja ki pa-e-sail-e-bala darmiyan nahin
diwanagan ko wan hawas-e-khanman nahin
gul ghunchagi mein gharqa-e-dariya-e-rang hai
ai aagahi fareb-e-tamasha kahan nahin
kis jurm se hai chashm tujhe hasrat qubul
barg-e-hina magar mizha-e-khun-fishan nahin
har rang-e-gardish aaina ijad-e-dard hai
ashk-e-sahab juz ba-wida-e-khizan nahin
juz ijz kya karun ba-tamanna-e-be-khudi
taqat harif-e-sakhti-e-khwab-e-giran nahin
ibrat se puchh dard-e-pareshani-e-nigah
ye gard-e-wahm juz basar-e-imtihan nahin
barq-e-ba-jaan-e-hausla aatish-fagan 'asad'
ai dil-fasurda taqat-e-zabt-e-fughan nahin

hai sabza-zar har dar-o-diwar-e-gham-kada

By

hai sabza-zar har dar-o-diwar-e-gham-kada
jis ki bahaar ye ho phir us ki khizan na puchh
na-chaar bekasi ki bhi hasrat uthaiye
dushwari-e-rah o sitam-e-ham-rahan na puchh
juz dil suragh-e-dard ba-dil-khuftagan na puchh
aaina arz kar khat-o-khal-e-bayan na puchh
hindostan saya-e-gul pa-e-takht tha
jah-o-jalal-e-ahd-e-visal-e-butan na puchh
ghaflat-mata-e-kaffa-e-mizan-e-adl hun
ya rab hisab-e-sakhti-e-khwab-e-giran na puchh
har dagh-e-taza yak-dil-e-dagh-intizar hai
arz-e-faza-e-sina-e-dard-imtihan na puchh
kahta tha kal wo mahram-e-raaz apne se ki aah
dard-e-judai-e-'asad'-ullah-khan na puchh
parwaz-e-yak-tap-e-gham-e-taskhir-e-nala hai
garmi-e-nabz-e-nabz-e-khar-o-khas-e-ashiyan na puchh
tu mashq-e-baz kar dil-e-parwana hai bahaar
betabi-e-tajalli-e-atish-ba-jaan na puchh

hai bazm-e-butan mein suKHan aazurda-labon se

By

hai bazm-e-butan mein sukhan aazurda-labon se
tang aae hain hum aise khushamad-talabon se
hai daur-e-qadah wajh-e-pareshani-e-sahba
yak-bar laga do khum-e-mai mere labon se
rindan-e-dar-e-mai-kada gustakh hain zahid
zinhaar na hona taraf in be-adabon se
bedad-e-wafa dekh, ki jati rahi aakhir
har-chand meri jaan ko tha rabt labon se
kya puchhe hai bar-khud ghalati-ha-e-azizan
khwari ko bhi ek aar hai aaali-nasabon se
go tum ko raza-jui-e-aghyar hai lekin
jati hai mulaqat kab aise sababon se
mat puchh 'asad' wada-e-kam-fursati-e-zist
do din bhi jo kate tu qayamat tabon se

hasil se hath dho baiTh ai aarzu-KHirami

By

hasil se hath dho baith ai aarzu-khirami
dil josh-e-girya mein hai dubi hui asami
us shama ki tarah se jis ko koi bujha de
main bhi jale-huon mein hun dagh-e-na-tamami
karte ho shikwa kis ka tum aur bewafai
sar pitte hain apna hum aur nek-nami
sad-rang-e-gul katarna dar-parda qatl karna
tegh-e-ada nahin hai paband-e-be-niyami
tarf-e-sukhan nahin hai mujh se khuda-na-karda
hai nama-bar ko us se dawa-e-ham-kalami
taqat fasana-e-baad andesha shoala-ijad
ai gham hunuz aatish ai dil hunuz khami
har chand umr guzri aazurdagi mein lekin
hai sharh-e-shauq ko bhi jun shikwa na-tamami
hai yas mein 'asad' ko saqi se bhi faraghat
dariya se khushk guzre maston ki tishna-kaami