zindagani hans ke tai apna safar kar jaegi

By

zindagani hans ke tai apna safar kar jaegi
yun ajal ka moajiza ek roz sar kar jaegi
kya khabar thi chah us ki dil mein ghar kar jaegi
mujh ko khud mere hi andar dar-ba-dar kar jaegi
pahle apna khun to bhar dun zindagi ki mang mein
jab use jaana hi thahra ban sanwar kar jaegi
phul le jaegi sare tod kar khwabon ke wo
meri shakh-e-zindagi ko be-samar kar jaegi
aaegi ek roz wo shab ki siyahi odh kar
meri subh-e-zist ko raushan sahar kar jaegi
rok lo is dard ki dewi se hain sab raunaqen
ye gai gar ruth kar dil ko khandar kar jaegi
log kahte hain ki wo ladki saliqa-mand hai
aa gai is ghar mein to is ghar ko ghar kar jaegi

in pattharon ke shahr mein dil ka guzar kahan

By

in pattharon ke shahr mein dil ka guzar kahan
le jaen hum utha ke ye shishe ka ghar kahan
hum apna nam le ke khud apne hi shahr mein
ghar ghar pukar aae khula koi dar kahan
jaise har ek dar pe khamoshi ka qufl ho
ab gunjti hai shahr mein zanjir-e-dar kahan
har waqt samne tha samundar khulus ka
lekin kisi ne dekha kabhi dub kar kahan
jo chaho bhi to jism se nikaloge kis tarah
mahbas mein sans ke koi diwar-o-dar kahan
is sakht dopahar mein kahan ja ke baithiye
rahon mein dur tak 'saba' koi shajar kahan

chakkhoge agar pyas baDha dega ye pani

By

chakkhoge agar pyas badha dega ye pani
pani tumhein hargiz na 'saba' dega ye pani
ek roz dubo dega mere jism ki kashti
mujh se mujhe aazad kara dega ye pani
pahunchega sarabon ka wahan bhes badal kar
sahra mein bhi har lamha sada dega ye pani
barsega to khushbu yahan mitti se udegi
sine mein mere aag laga dega ye pani
patthar se kisi roz mita kar 'saba' tum ko
pani pe hi ek naqsh bana dega ye pani

aawaz ke patthar jo kabhi ghar mein gire hain

By

aawaz ke patthar jo kabhi ghar mein gire hain
aaseb khamoshi ke 'saba' chikh pade hain
pazeb ke naghmon ki wo rut bit chuki hai
ab sukhe hue patte is aangan mein pade hain
chhup jaen kahin aa ki bahut tez hai barish
ye mere tere jism to mitti ke bane hain
is dil ki hari shakh pe jo phul khile the
lamhon ki hatheli pe wo murjha ke gire hain
is ghar mein kise dete ho ab ja ke sadaen
wo haare thake log to ab so bhi chuke hain

chakkhoge agar pyas baDha dega ye pani

By

chakkhoge agar pyas badha dega ye pani
pani tumhein hargiz na 'saba' dega ye pani
ek roz dubo dega mere jism ki kashti
mujh se mujhe aazad kara dega ye pani
pahunchega sarabon ka wahan bhes badal kar
sahra mein bhi har lamha sada dega ye pani
barsega to khushbu yahan mitti se udegi
sine mein mere aag laga dega ye pani
patthar se kisi roz mita kar 'saba' tum ko
pani pe hi ek naqsh bana dega ye pani