aaj to din bhar teri taswir hum dekha kiye yani apne khwab ki tabir hum dekha kiye hum ne dekha hi nahin aankhen utha kar samt-e-gul apne dil ka zakhm daman-gir hum dekha kiye ishq-e-awwal ki shab-e-dijur mein ai zindagi zulf teri ya koi zanjir hum dekha kiye aaj hum dekha kiye chashm-e-sitam-gar ko khajil aaj apni aah ki tasir hum dekha kiye hum ne to dekha nahin apni raza se kuchh yahan jo bhi dikhlati rahi taqdir hum dekha kiye