ab ahl-e-dard ye jine ka ehtimam karen

ab ahl-e-dard ye jine ka ehtimam karen
use bhula ke gham-e-zindagi ka nam karen

fareb kha ke un aankhon ka kab talak ai dil
sharab-e-kham piyen raqs-e-na-tamam karen

gham-e-hayat ne aawara kar diya warna
thi aarzu ki tere dar pe subh o sham karen

na mangun baada-e-gul-gun se bhik masti ki
agar tere lab-e-lalin mera ye kaam karen

na dekhen dair o haram su-e-rah-rawan-e-hayat
ye qafile to na jaane kahan qayam karen

hain is kashakash-e-paiham mein zindagi ke maze
phir ek bar koi sai-e-na-tamam karen

sikhaen dast-e-talab ko ada-e-bebaki
payam-e-zer-labi ko sala-e-am karen

ghulam rah chuke toden ye band-e-ruswai
kuchh apne bazu-e-mehnat ka ehtiram karen

zamin ko mil ke sanwaren misal-e-ru-e-nigar
rukh-e-nigar se raushan charagh-e-baam karen

phir uth ke garm karen karobar-e-zulf-o-junun
phir apne sath use bhi asir-e-dam karen

meri nigah mein hai arz-e-moscow 'majruh'
wo sarzamin ki sitare jise salam karen


This is a great mirza ghulam shayari. True lovers of salam e subah shayari will love this. Shayari is the most beautiful way to express yourself and this sai baba shayari in hindi font is truly a work of art. Please share if you liked this!!!

Don't have an account? Sign up

Forgot your password?

Error message here!

Error message here!

Hide Error message here!

Error message here!

Lost your password? Please enter your email address. You will receive a link to create a new password.

Error message here!

Back to log-in

Close