baat sun ai chashm-e-tar kuchh hosh kar dub jaega ye ghar kuchh hosh kar khud-kushi hi masale ka hal hai kya baam se wapas utar kuchh hosh kar dasht ki jaanib chala to hai magar sakht hai ye rahguzar kuchh hosh kar ab kiya jazbaat mein gar faisla roega tu umr bhar kuchh hosh kar mat patakh zindan mein diwaron pe sar khun se ho jaengi tar kuchh hosh kar apni aazadi na de sayyaad ko kat kar khud apne par kuchh hosh kar jis ko 'tahir' teri kuchh parwa nahin us ki chaukhat par na mar kuchh hosh kar