bagh hai bagh ki faza gum hai

By ziyaul-hasanJune 18, 2022
bagh hai bagh ki faza gum hai
sans lene ko bhi hawa gum hai
thair jaen to hai maqam-e-fana
chal paden hum to rasta gum hai


hum bhi maujud hain yahan tum bhi
rabta darmiyan ka gum hai
be-yaqini hai sab ke zehnon mein
kya mayassar hai aur kya gum hai


besha-e-zist se guzarne ko
hausla tha so hausla gum hai
ye sitara inhi khalaon mein
ek din tum bhi dekhna gum hai


84586 viewsghazalEnglish