bahaduri jo nahin hai to buzdili bhi nahin bahut hi chaha magar hum se khud-kushi na hui kuchh is tarah se khayalon ne raushni bakhshi tumhaari zulf bhi bikhri to tirgi na hui kisi ke dard ko tum jaante bhala kyunkar khud apne dard se jab tum ko aagahi na hui wo tirgi thi musallat faza-e-alam par lahu ke dip jale phir bhi raushni na hui main ji raha hun dil-e-murda le ke sine mein ise to maut kaho ye to zindagi na hui