barahnagi ka mudawa koi libas na tha

barahnagi ka mudawa koi libas na tha
khud apne zahr ka tiryaq mere pas na tha

sulag raha hun khud apni hi aag mein kab se
ye mashghala to mere dard ki asas na tha

teri nawazish-e-paiham ke naqsh dil mein rahe
main be-khabar sahi par aisa na-sipas na tha

har ek sher tha mera mere khayal ka aks
koi kitab na thi koi iqtibas na tha

bikhar gae the so khud ko samet bhi lete
ki is yaqin mein shamil mera qayas na tha


Please share if you liked this!!!
2020-04-08 12:07:32 PM

Don't have an account? Sign up

Forgot your password?

Error message here!

Error message here!

Hide Error message here!

Error message here!

Lost your password? Please enter your email address. You will receive a link to create a new password.

Error message here!

Back to log-in

Close