bu-e-khush ki tarah har samt bikhar jaunga
aahani hathon se ab koi daba de mujh ko

main to muddat se chala aata hun pichhe pichhe
gardish-e-waqt kabhi ruk ke sada de mujh ko

din to sara hi kata misl-e-charagh-e-kushta
garmi-e-jism sar-e-sham jala de mujh ko

tum mujhe dekh ke jo baat kabhi kah na sake
kya ye mumkin nahin aaina bata de mujh ko

jin ko pane se haqiqat bhi fasana ban jae
ab 'saba' aise sarabon ka pata de mujh ko