dard dekhen na ab dawa dekhen

dard dekhen na ab dawa dekhen
marne walon ka hausla dekhen

kuchh nahin ishq mein baid miyan
raushni chhuen aur hawa dekhen

jab na dekha use to kya dekha
dekh kar us ko aur kya dekhen

jo na dekha tha wo bhi dekh liya
ab dikhata hai kya khuda dekhen

hum mein koi mushabahat bhi hai
aaiye mil ke aaina dekhen

ye mohabbat to shai hi aisi hai
aap bhi apna faeda dekhen

main palat jaun apne ghar ki taraf
aap bhi apna rasta dekhen

kya khule un pe ishq jo 'saifi'
shahr se dasht ko juda dekhen


2020-04-08 04:53:25 AM

Don't have an account? Sign up

Forgot your password?

Error message here!

Error message here!

Hide Error message here!

Error message here!

Lost your password? Please enter your email address. You will receive a link to create a new password.

Error message here!

Back to log-in

Close