dena hai to nigah ko aisi rasai de

dena hai to nigah ko aisi rasai de
main dekhta hun aaina to mujhe tu dikhai de

kash aisa tal-mel sukut-o-sada mein ho
us ko pukarun main to usi ko sunai de

ai kash is maqam pe pahuncha de us ka pyar
wo kaamyab hone pe mujh ko badhai de

mujrim hai soch soch gunahgar sans sans
koi safai de to kahan tak safai de

har aane jaane wale se baaten teri sunun
ye bhik hai bahut mujhe dar ki gadai de

ya ye bata ki kya hai mera maqsad-e-hayat
ya zindagi ki qaid se mujh ko rihai de

kuchh ehtiram apni ana ka bhi 'nur' kar
yun baat baat par na kisi ki dahai de


2020-06-03 11:16:03 AM

Don't have an account? Sign up

Forgot your password?

Error message here!

Error message here!

Hide Error message here!

Error message here!

OR
OR

Lost your password? Please enter your email address. You will receive a link to create a new password.

Error message here!

Back to log-in

Close