deti nahin aman jo zamin aasman to hai kahne ko apne dil se koi dastan to hai yun to hai rang zard magar hont lal hain sahra ki wusaton mein kahin gulsitan to hai ek chil ek mumti pe baithi hai dhup mein galiyan ujad gai hain magar pasban to hai aawaz de ke dekh lo shayad wo mil hi jae warna ye umr bhar ka safar raegan to hai mujh se bahut qarib hai tu phir bhi ai 'munir' parda sa koi mere tere darmiyan to hai