dhup khidki se sirhane aai
chand khwabon ke bujhane aai

hae wo phul se hanste chehre
yaad phir un ki rulane aai

dil charaghon ke abhi larzan hain
phir hawa hosh udane aai

dil sulagta tha shab-e-gham yunhi
chandni aur jalane aai

uth hui subh-e-azan ki aawaz
nind se mujh ko jagane aai

odh li tu ne barahna tahzib
sharm tujh ko na zamane aai

aur 'parwin' se hujjat kije
aap ki aql thikane aai