dil ab us dil-shikan ke pas kahan

dil ab us dil-shikan ke pas kahan
chil ke ghonsle mein mas kahan

sabr bimar-e-ishq ki hai dawa
par tabiat se meri ras kahan

subh aane ka us ke wada hai
mujh ko par raat bhar ki aas kahan

dushman-e-jaan ko dost samjha main
wo kahan main kahan qayas kahan

kya hua us ko dekhte hi 'bayan'
hosh kidhar gae hawas kahan


This is a great child shayari. True lovers of mast shayari will love this. Please share if you liked this!!!